بمناسبة ذكري أبعاد انور السادات
عن الحكم ننشر تلك القصيدة
قصيدة خالد الاسلامبولي
للشاعر احمد فؤاد نجم
***
**** ****
اصلي الحكاية ولد
فارس ولا زيه
- ايوه ياسيدي اقول -
اصل الحكاية ولد
فارس ولا زيه
خد من بلال ندهته ومن النبي ضيه
- انظر الصورة الا اذا كنت البعيد
اعمي البصيرة -
خد من بلال ندهته
ومن النبي ضيه
ومن الحسين وقفته
في محنته وزيه
اقدم شبابو فدا
والحق له عارفين
خالد
يا ابن الربيع والامل
والشمس والزينه
مين يافتي اعلمك
فعل الخريف فينا
وكبرت برة الزمان
اللي ابتلاك بينا
نايمين علي ودننا
مع اننا عارفين
صاح من سكون الخرس
كروان بغنيوة
الملك لك يافتي
يامصري
ياحليوه
رقصت نجوم الفلك بالضي
تتعانق
والشمس
ويا القمر
في برجهم عارفين
- الله الله الله الله الله الله
-
شيل الغطا ياعطا
عبد السلام مددين
عبد الحميد يافتي
قطب الرجال ياحسين
داعي المرؤة دعا
والعمر مش عمرين
خالد يقول صحبتي
واحنا الجميع عارفين
الله اكبر
ع الباغي والجبار
طعن الفتي طعنته
خار الاغا وانهار
المجد ده ابننا
والفارس الكرار
راكب علي مهرنا
والكدابين عارفين
- اعد اعد -
المد ده ابننا والفارس الكرار
راكب علي مهرنا
والكدابين عارفين
مين يافتي علمك
لعب العصا ع الخيل
وازاي اقطفت القمر
من فوق شواسي الليل
وطبعت نجم السمنا
بالوشم علي زندك
الاسم خالد
ولكن عاشق
ولك هندك
ام الدلال علمك
طبع الاسود
عندك
مين يافتي علمك
عشق الملاح والميل
هندك يا ادهم هنا
اصلك
وسلسلالك
والناس ياخالد
هنا عمك
هنا خالك
ياغنوه من قهرنا
اسمك وموالك
ويا الربيع والامل
في دمنا عايشين
وليه اجيب ناس
لمعناة الكلام عارفين
واحنا الامارة اذا حفظوالوداد
عارفين
==========================
الشاعر أحمد فؤاد نجم
حسنى مبارك
ـــــــــــــــــــــــــــــــــــ
نؤيد سيادتك لفترة جديدة
نكمل خلالها المسيرة
السعيدة
و بالمرة فيها نبيع
الحديدة
مفيش حاجة تانية نبيعها
خلاص
*****
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد
المجيد
و ربك لوحده ف ايده
الخلاص
*****
نبايع سيادته ولا حد غيره
كفايا علينا نبرطع في
خيره
و نوم شعب مصر العظيمة و
شخيره
يقول للحرامي ما تسرق
كمان
*****
نبايع سيادته وابنه
وحفيده
مفيش زي فكره قديمه و
جديده
خرابك يا مالطة حيحصل
بايده
ومين فيكي يعني بيسمع
آذان
*****
نبوس ايد سيادتك و رجلك
كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي
نضيع
*****
دي مصر بتاعتك و احنا
ضيوفك
كفايا علينا يا ريس نشوفك
و عاذرين سيادتك و فاهمين
ظروفك
عليك بس تؤمر و احنا نطيع
*****
في جزمة سيادتك كلابك
يبوسوا
و فوق الغلابة بجزمهم
يدوسوا
و شعبك ليلاتي يا ريس
غموسه
مذلة و مهانة و حوجة و مر
*****
لكن يعني ما دمنا شعب
انتساب
و دايما وأبدا ف حالة
غياب
متعملش لينا يا ريس حساب
دي عزبة سيادتك و فيها
انت حر
*****
و دستور مدستورش مش فارقة
خالص
كلام فاضي كله يا فندم
بناقص
كفايا علينا الفساد اللي
ماصص
عرقنا و معشش و ضارب
جذوره
*****
و ايه يعني تهري جتتنا
البلاوي
يوماتي كوارث فضايح رشاوي
كفايا علينا القعاد في
القهاوي
بنستنى لما الوريث ييجي
دوره